(18) 萱萱第一次參加飲宴

2006年3月11日係媽媽好朋友Eunice的結婚大日子, 我們一家三口都一齊出席。
萱萱第一次參加飲宴又緊張,又好奇,大部份時間都靜靜坐,冇乜扭計。大家仲以為佢好文靜添!
其實佢0係度聽人家傾偈,四圍觀察收情報咋！因為佢一返到屋企後就不停講0野, E E R R, 興奮到唔肯飲奶奶。真係唔知好嬲定好笑！到今朝早，佢仍然未平靜過來，一起身又E E R R, 非常開心，真係冇佢咁好氣！