(283) 萱萱?圈圈?

萱萱真係人如其名, 由2010年1月18日開始, 萱萱眼睛上會多了兩個圈圈, 因為健康院驗出年紀小小的萱萱有散光, 而且都幾深添, 右350度, 左500度, 所以要即時戴眼鏡幫助視力!
初時知道這萱萱有咁深的散光, 我和爸爸都好唔開心. 我們兩個都算視力良好(爸爸一D近視散光都冇!), 真是不明白點解萱萱會咁?
原來醫生說這種情況是由眼球形狀的引起, 是天生的問題, 跟看電視, 光線不足等等完全無關.
正常的眼球形狀是圓形, 但萱萱的眼球形狀卻是橢圓形, 所以就形成散光.
可能戴眼鏡後睇得清楚好多, 而且好多人都幫忙氹她讚她, 萱萱好聽話乖乖戴眼鏡!
現在看到萱萱漸漸適應, 我們都放心了很多, 請大家一齊看看"圈圈"的新LOOK!