(40) Sandy姨姨生日

萱萱好有型喎！
BB姨姨同佢男朋友華仔
QQ表妹個Size巳經追到萱萱喇！

Katie表姊仔呀！好勁呀！
2006年5月27日係媽媽大家姊Sandy的生日(年齡秘密)，我地同其他表姊妹一同為Sandy姨姨慶祝生日。好奇怪，今日各表姊妹的角色掉轉哂！
平時成日訓覺豬的QQ居然好精神並扭計仔；成日笑咪咪的Katie忽然哭了起來(係我第一次現佢喊); 平時扭計到飛起又鍾意一出就絕食的小萱萱竟然肯跟人同乖乖飲奶；桐桐仲搞笑，變0左個魔術師添！還有，我們發現Katie原來同桐桐一樣重! QQ又同萱萱一樣重!
桐桐: 14.5個月大，體重22磅；
Katie: 7.5個月大，體重22磅；
萱萱:6個月大，體重16磅；
QQ: 4.5個月大，體重16磅 ! ! !

(39) 萱萱半歲(六個月大) 了

十美圖
爸爸餵奶成功,你睇佢幾開心！

萱萱又擺出一個憂鬱甫士啦！拍MTV咩！
見唔見到IFC呀? 我地乘風破浪，終於成功衝擊IFC啦！哈哈！

買左好多靚衫仔呀！嘩！全部都係萱萱0架!

原來時間真的過得很快, 今日係寶貝女萱萱六個月大的日子(2006年5月26日)，我同爸爸請了一天假期，陪女女去玩。今日女女好乖、好抵錫，全程不但沒有扭計，還乖乖飲奶，我們足足玩了七個小時，仲刷新了好多新紀錄添！真係非常非常開心！!
行程:
12:00 出發往尖沙咀
12:15~13:00 返日立探媽媽的同事
13:00~16:00 Shopping & 買半歲生日禮物(由海港城到海運大廈)
16:00~17:00 成功於KFC內餵了7安奶(我同爸爸掛住買禮物，竟然忘記了吃午飯，直到要搵地方餵奶時才於KFC吃了一點點東西。)
17:00~18:00 再Shopping
18:00~18:15 由尖沙咀乘搭天星小輪到中環, 第一次成功挑戰天星小輪，仲無暈船浪添！
18:15~19:00 成功衝擊香港經濟金融中心---中環的IFC。(其實只係影0左幅相後就搭地鐵返屋企啦！)

(38) 母親節快樂

公公抱住萱萱, 佢讚萱萱跟人添！萱萱隻手仔搞乜呀？
Sammi表姊獻花喇！好勁呀！





2006年5月14日是我身為人母後的第一個母親節。今年我們黃氏五朵金花更相約一起慶祝，連公公、SKII的契公公及契婆婆都有出席，一共19人，非常熱鬧。Sammi表姊仲獻花比我們咁多個好媽媽添！

(37) 相聚於五月五日(媽媽vs舊同學;萱萱vs謙謙)

媽媽抱住五個多月大的萱萱，冰冰姨姨抱住十個多月大的謙謙, 純真姊姊也不甘示弱，抱住一隻大過哂我地的Mickey，好開心呀！

冰冰姨姨個囝囝謙謙好得意架，肥嘟嘟, 好Cute呀！

爸爸幾醒呀，一早霸0左個好位同兩個BB影相，成功攝位！

今個假期，媽媽真係好開心，因為與中學時代的好朋友又再相聚，最今人高興的是我們三個都找到個好歸宿，其中冰冰和我仲係上年(2005年)榮升為媽咪級添！純真姊姊(or姨姨?), 唔駛考慮喇，快些生個BB喇！如果唔係，我驚你下次唔肯出席，因為你話這種活動好老態嘛！哈哈！
仲有，今日真係大懵，竟然沒有同Daniel影相添，真係唔好意思! (Daniel哥哥, 你都要加油呀！)

P.S. 本來以為影0左幾多張相0架 ，點知大部份對焦唔到，真係失禮哂！(媽媽隻BB手唔夠力呀！)

(36) 五、一的萱萱

爸爸負責拍照 ，媽媽負責引萱萱笑，萱萱負責笑，一家人真係合作愉快。



五月一日本來是爸爸媽媽的拍拖紀念日（七週年），因為我們星期六帶了萱萱去參觀示範單位，可能當日現場實在太多人，嚇得萱萱嚎啕大哭，連續兩晚發惡夢, 就連星期日與各表姊表妹仔飲茶時她也哭過不停，所以五月一日我們唯有留在家中陪女女玩，不敢帶她出外慶祝。
萱萱在家中會較有安全感，你看她玩得多開心！
(姨姨們向我投訴為何在相片上的萱萱這麼開心，但見到她真人時就"Gi"都唔笑。可能我們太少帶她出街吧！不過由今日起我們每晚會帶萱萱出外走一走，散散步，讓她見識多些。)