(115) 潮人新look--Bob頭

繼徐濠縈、劉嘉玲之後, 萱萱也加入潮人行列, 剪左個Bob頭 (由萱萱御用髮型師Headfather爸爸一手包辦) , 清新可人, 一致好評。尋日我們去迪士尼樂園玩, 有好多人讚萱萱靚靚, 萱萱又再一次變成迪士尼的演藝人員, 同大家影相留念。

新look+新甫士
萱萱好少肯企定定影相架!

嘩! 女女個甫士好型仔....好有眼神呀~

戴上minnie結婚頭紗的萱萱, 個樣好串呀!
明星0黎啦~ 好cool呀!
萱萱又有fans喇, 但萱萱表情好"hill" (其實佢係莫名其妙點解有咁多哥哥姐姐企0係佢旁邊!! )

(114) 有新相喇!!

唔好意思, 媽媽近來忙著湊女女, 所以update得慢左. 請先睇睇1月7日出席Cherry姨姨&QQ表妹的生日party的靚相.

萱萱拿著個氣球, 玩好開心...你睇佢個表情..."eeeeeeeee"

重量級的QQ表妹呀! Happy birthday to you!
萱萱又擺甫士喇!
自從萱萱練成落sofa絕技後, 佢將這方法運用埋在落樓梯方面,真係唔知好嬲定好笑....
圖一: 在台上拍拍下照忽然轉身，連媽媽都"拗"哂頭!

圖二: 先放一隻腳試試高度
圖三: 較好位置, 開始落地. 圖四: 安全著陸

(113) 祝大家新年快樂! 身體健康!

2006年除夕, 我們去了一個新地方--南蓮園池, 原來南蓮園池好靚架, 加上個日天氣大好,
影0左好多靚相. 推介大家去行0下! 由鑽石山MTR 行5分鐘就到喇!好方便呀!

萱萱學人擺甫士呀!
YEH!
萱萱 好嬌俏!

一路影相, 一路同人打招呼的八卦萱萱! 好耐沒有出場的爸爸呀!

(112) 衝上雲霄之山頂篇

今日(2006.12.30) 我們終於想到新去處啦---山頂.
其實爸爸媽媽都有好幾年沒有去山頂了, 今次重遊舊地,再去我同爸爸拍拖時去的峰景餐廳, 餐廳依舊, 但我們就多了個寶貝新成員, 感覺很不同. 雖然少了昔日的那份浪漫,但卻多了前所未有的溫馨, 幸福感覺, 看見女女個"lue"食雪糕樣, 媽媽都笑飽了. 相信好多已身為爸爸媽媽的應有同感.
今日山頂雖有點凍,但沒有冷卻萱萱的熱情, 萱萱一時同遊客合照(佢竟然肯比人抱呀!Yeh!), 一時又shake hand拍手, 十足香港大使咁!
還有, 今日的天氣好好, 由山頂看出去, 香港的景色真是很美很美.

影張招牌相先...
萱萱個新look有型嗎?
凌霄閣的觀景台, 風景超靚!
同巨人合照呀.... 萱萱今日玩得好開心, 成日拍手仔!
萱萱好開心呀...不是因為前面的美食, 而係因為佢看到waiter送來的雪糕咋!
你睇萱萱食得幾滋味, 原來個個小朋友都鍾意雪糕架...
食飽飽後去山頂廣場的遊樂園玩0下滑梯先! 又玩到拍哂手喇!

(111) 台灣象仔的越洋聖誕禮物

好開心呀! 今日從同事Alice姐姐手上接到台灣象仔送給小萱萱的越洋聖誕禮物. 萱萱一拆開禮物, 就被裡面的上鍊公仔迷住了, 之後看見扭蛋迪士尼頭飾又哈哈大笑,萱萱仲好細心地看象仔寫的卡添(雖然佢看不明白, 但我已經向她講解了卡的內容, 唔知佢明唔明呢, 呵呵!)
一同拆禮物的爸爸, 與媽媽一樣"嘩"了很多次,特別是看到象仔親手做的萱萱貼紙, 更讚不絕口. 象仔真是十分有心思呀!! 真的謝謝你, 象仔! 有機會去台灣的話, 我們一定要帶萱萱去探探象仔!
另外, 也要多謝小俞從台灣帶來這份禮物(當然不少得Alice姐姐啦! 謝謝!).

嘩!象仔哥哥送的禮物啊!


萱萱一見到D上鍊公仔就哈哈大笑, 拿住扭蛋唔放手.

萱萱真係好細心地看象仔寫的卡0架!

萱萱 好開心呀! 謝謝你, 象仔哥哥!

(110) Boxing Day

今日係Boxing Day, 媽媽兩個好朋友(小米姐姐Joey & Cathy)到來同萱萱玩, 仲送了聖誕禮物比萱萱, 係會發聲的Minnie公仔同由小米姐姐從日本帶來的Mickey,Minnie, Chip & Dale手挽袋呀! Yeh!!!!!!!! 萱萱當然要即場表演"爬梳化絕技"助慶啦!

在這普天同慶的大日子, 我們決定將為女女爬梳化的絕技公開, 請CLICK入:
http://www.youtube.com/watch?v=iolgenEln_U
萱萱自己都笑到合唔埋嘴, 開心都狂拍手仔!

(注意: 此動作要經專人訓練(專人=萱萱爸爸), 切勿模仿)

今個聖誕, 萱萱真係收獲豐富. 多謝大家!


Cathy姐姐呀...
小米姐姐呀...

(109) Merry Christmas!

Merry Christmas! 萱萱祝大家聖誕快樂!
今日係萱萱出世後的第二個聖誕節, 因為上年的聖誕節, 萱萱只不過得一個月大, 根本未能真正感受到聖誕節的氣氛. 所以今個聖誕節我們帶萱萱去海港城玩一玩, 迫一迫, 買些聖誕禮物, 熱鬧一番.

今次我們又超額完成任務, 不但成功餵奶(媽媽第一次在屋企以外的地方餵奶, 勁呀!! ), 還買了好多靚衫仔比萱萱, 仲超哂資添... (所以爸爸同媽媽的quota要比埋萱萱囉)

白色聖誕樹呀!好靚呀! 睇到女女碌大對眼!

名副其實的人仔細細...但係行得好招積!
萱萱又"chi"實媽媽喇, yeh!
媽媽成功餵奶, 一雪前恥! 萱萱設計對白: 媽媽好叻呀!

(108) 聖誕大餐

今年聖誕, 我們相約各表姐妹同公公在12月22日一同去都會海逸酒店食聖誕Buffet, 餐廳的環境很美麗, 很舒適, 女女一入大堂見到棵聖誕樹就大叫, 圍住棵聖誕樹走來走去, 又拿起聖誕樹下的禮物來玩, 非常高興. 唯一不足的是沒有育嬰室, 就連女洗手間內也沒有替BB換片的空間; 食物方面, 種類也很多, 不過因為女女成晚都要"Chi"實媽媽(哈哈!), 媽媽只係食左少少BBQ腸仔,青口同一個梳乎里咋! (但就好開心, 一D都唔覺餓, 仲好心甜添...呵呵呵呵...) 而女女就食了半粒Strawberry(佢自己揀架), 食到嘴lam lam.

小萱萱拿著禮物愛不釋手 萱萱擺哂甫士影相, 好有型呀!
萱萱圍住棵聖誕樹跳舞, 好開心!!
萱萱食了Strawberry呀, Yummy yummy....

嘩, 一張大長?座無虛席...真係人強馬壯啊呀!