歡迎大家瀏覽我寶貝女萱萱的blog, 有好多萱萱的靚相同短片架!請慢慢欣賞... 可萱可點: 3月 2006
在2005年11月26日,我們的寶貝女終於出世啦!重3.15公斤,樣子與老公有九成相似,名字是黎懿萱(萱萱)。寶貝女出世後,我們的願望只有一個---希望女女快高長大,身體健康!有沒有聽過陳奕迅的{大個女}?那首歌正是我們的心聲...○○最重要心記得要開 來競技角力賽 最終不管輸贏都 一般可愛 Lilypie - Personal pictureLilypie Kids Birthday tickers

星期四, 3月 30, 2006

(24) 萱萱練習坐坐呀!

萱萱背後就係傳說中的魔鬼教練----爸爸

練到有D累, 我地就休息架啦!

除0左練抬頭, 我地又開始練坐坐,好犀利呀!加油呀!乖女!

(23) 萱萱練習抬起頭




練完後,我地張床有好多萱萱的口水呀!

滿四個月,我地會加緊訓練萱萱抬頭,佢依家練得幾OK0架!睇0下D相!每次練習完張床都有好多萱萱的口水。每日練一次,每次雖然只有30~40秒,但對BB仔而言,已經好吃力! 每次練完後,萱萱就好倦,手仔又冇哂力咁0架啦!

你睇,你睇,佢望住鏡頭呀!好叻女呀!

星期日, 3月 26, 2006

(22) 四個月大的扭計萱


你睇佢幾多口水!真係口水多過茶啦!

萱萱今日四個月大,原本打算同佢去玩玩,點知佢竟然超級扭計,由晨早起身就玩絕食,又唔飲水,嚇到我同爸爸驚到暈,又再次四周圍打電話求救,仲煲埋開奶茶。搞到媽媽爸爸好騰雞咁!
你睇佢幾扭計,一影相就訓覺,仲黑哂面咁添!

星期四, 3月 23, 2006

(21) 啜手指






唔知點解BB仔越大越鍾意食手指,尤其是手指公。今日萱萱仲親手拿走奶嘴,專登塞隻手入個嘴仔度啜!!

(20) 萱萱做Gym






上次去海運個間玩具反斗城時買了個訓練BB手仔的玩具,睇住萱萱由唔識玩變到識玩,由唔夠力玩再到依家的夠力玩,個種感覺真係好開心。仲有呀,佢係電視迷0黎0架, 依家成日大字型咁訓係度睇電視。 原來BB仔真係每日都會唔同0架! 睇0下佢玩得幾開心。

星期日, 3月 12, 2006

(19) 婚宴翌日早上心情仍未平伏的萱萱





睇0下萱萱幾Happy! 似乎仲未開心完咁。唔講你唔知,佢一邊飲奶一邊口嗡嗡叫,結果餐奶餵了個幾鐘呀!餵到老公唉唉聲!

(18) 萱萱第一次參加飲宴







2006年3月11日係媽媽好朋友Eunice的結婚大日子, 我們一家三口都一齊出席。
萱萱第一次參加飲宴又緊張,又好奇,大部份時間都靜靜坐,冇乜扭計。大家仲以為佢好文靜添!
其實佢0係度聽人家傾偈,四圍觀察收情報咋!因為佢一返到屋企後就不停講0野, E E R R, 興奮到唔肯飲奶奶。真係唔知好嬲定好笑!到今朝早,佢仍然未平靜過來,一起身又E E R R, 非常開心,真係冇佢咁好氣!

星期二, 3月 07, 2006

(17) 桐桐表姊一歲生日,新舊五朵金花齊亮相

Sammi 表姊好識"Zip"位0架,佢仲話以後咁多個表妹的生日都會負責一齊吹蠟燭同切蛋糕添!


後排:Sammi表姊, BB(五妹)姨姨, 靚靚媽媽&萱萱, 桐桐表姊&May May(四妹)姨姨
前排:QQ表妹&雯雯(二家姊)姨姨, Katie表姊 & 珊珊(大家姊)姨姨

今日係桐桐表姊的一歲生日,我們約好去荃灣廣場食飯慶祝。
見到桐桐快高長大,話咁快就一歲了,真係好開心呀!希望萱萱都快些到一歲啦!。
仲有,今次終於有我們十個美女(新舊五朵金花)的大合照喇!

星期六, 3月 04, 2006

(16) 小萱萱勇闖海運大廈

萱萱第一次駕Put put車呀!好有型呀!

你睇佢幾神氣! 係停車場同黎耀祥影相,佢仲讚萱萱得意添!

係咪好靚好Cute先?

今日我們著靚靚、戴帽帽,以一身粉紅色的打扮,成功挑戰海運大廈啦!
我們首先闖入海運大廈的熱點---玩具反斗城,繼而橫掃BeBe Dream, Mother Care等各人氣商鋪,成功購入至潮玩具及至Cute口水肩等等,回程時仲係停車場見到黎耀祥,仲同佢影相添!好犀利呀!