(145) 萱萱歲半喇...

萱萱歲半喇...不過今日我們唔係同萱萱慶祝, 而係同Sandy姨姨慶祝生日, 唔駛我講,大家都估到萱萱又同各位表姐妹玩作一團.

萱萱好有model feel 呀!


祝Sandy姨姨生日快樂!

(144) 夏日新look

自從萱萱上次大病之後, 終於等到沒有下雨的假期. 因為萱萱這幾天都嚷著要去見米奇, 所以今日萱萱以最fit的姿態反轉迪士尼. 踏入炎夏, 萱萱當然以小背心look示人, 係咪好有活力呢?

萱萱玩水的片段, click0黎睇下啦...

http://www.youtube.com/watch?v=T1ATIcYCXF4


萱萱依家影相, 開始識學人擺下甫士.

玩水已成為萱萱去迪士尼的最重要項目.

同鐵鈎船長合照

可愛熱褲look

(143) 好耐冇見的Alice姐姐, 仲有......

今日Alice姐姐帶左一位特別嘉賓0黎探萱萱, 原來係Alice姐姐由台灣來的男朋友---小瑜哥哥.
本來打算一齊打bowling, 可惜因為太多人, 需要輪候很久, 所以臨時取消. 但是萱萱亦一盡地主之誼,為這位特別嘉賓載歌載舞, 逗得大家呵呵大笑!!!

(142) 祝願天下母親: 母親節快樂!

因為今個母親節萱萱剛剛病癒, 所以不宜外出吹風. 我們只是在家中慶祝, 但是各姐妹都非常有心, 相約在奧海城吃晚飯慶祝. 而桐桐表姐更加上了我們家與萱萱玩到攬在一起. 晚上, 我們還與公公在會所拍照留念.

媽媽收到萱萱送的母親節禮物, 好心甜! 桐桐表姐與萱萱玩到攬在一起

公公與孫女們的合照
公公@女女們@孫女們的大合照

(141) 萱萱大病一場

在上個星期日的零晨時份, 我們發覺萱萱發高燒, 當時大約102度. 第二天的早上, 我們已帶萱萱去看醫生, 因為沒有任何徵狀, 醫生給了我們退燒藥便叫我們回家觀察.

豈料, 到星期一的晚上, 萱萱竟然發高燒到105度, 我們即時帶萱萱去浸會醫院, 因為當時萱萱都幾精神同活潑, 當值的醫生又叫我們回家再觀察. 誰知, 到了翌日(星期二)的早上,我們發覺萱萱變得呆呆滯滯, 有點不妥, 於是我們又帶她去看醫生, 醫生建議為安全起見, 可入院作詳細檢查.就這樣, 萱萱就進入了她惶恐的48小時(3日兩夜)......

甫一入院, 照X-ray, 抽血, 驗尿, 打針, 吊鹽水, 抽鼻液.....一切一切已把我們的小萱萱嚇得驚惶失措, 還有, 每隔兩小時的護士檢查, 都令萱萱瞓唔安, 食唔落, 終日以淚洗面, 就像活恐怖世界一樣. 幸好到了星期四的上午, 終於雨過天晴, 証實萱萱患上玫瑰疹(其實大多數小朋友都會患上的, 只不過這次萱萱發燒得高了點). 同時醫生說萱萱可以出院了! 女女一聽到這個消息後, 竟然面上露出一絲笑容, 還即時向醫生同護士揮手bye bye.

現在, 女女已好得七七八八, 還跟爸爸玩一個新遊戲叫"Acrobat".
但是在另一方面, 萱萱亦患上了"住院後群症", 就係每逢一除衫沖涼便喊到七彩, 恐怕這個心病需要多點時間才能克服了.

萱萱出院後的相片首度曝光, 看看她面上的紅疹還未散去, 不過就已經完全退燒了.

出院後的第二日, 萱萱的體力經已回復過來, 以下就係佢同爸爸玩一個叫"Acrobat"遊戲的片段.

http://www.youtube.com/watch?v=D8mx_bL5jXU

(140) 萱萱有架新單車

其實萱萱近幾個月來每次見到人踏單車, 她都會指住"E E OrOr", 經過佢一輪的挑選, 萱萱終於擁有自己的單車了. 你睇佢今日踏單車時, 著住Joanne姐姐織比佢的小披肩, 幾神氣!
你睇下萱萱踏單車個樣, 幾神氣!

Joanne姐姐織比萱萱的小披肩呀! 好靚呀....

萱萱另一新玩意---泡泡槍, 佢真係識得玩架...

萱萱依家在遊樂場識得自己玩滑梯同捐山窿添!

(139) 有朋自遠方來

等了很久, 媽媽的好朋友Garbo終於係日本返0黎喇, 不經不覺經已沒有見面超過兩年了, 今個五.一假期, Garbo帶同佢的女女(Elly), 仲有Rebecca姐姐(媽媽另一個好友)來探望我們. Elly雖然比萱萱小兩個月, 但就比萱萱足足大成兩個碼, 簡直係超級BB, 兩個面珠仔好得意! 媽媽同爸爸抱到唔捨得放手添...當然女女都係兩位姐姐面前表演了佢的拿手好戲---絲帶舞, 逗得大家好開心.
萱萱最近的至愛---佢張新私家梳化.

絲帶舞表演