(126)農曆新年篇

今個農曆年，萱萱十分忙碌，初一、二、三都忙著拜年。因為天氣異常地熱，我只能換上短袖旗袍拜年。


大年初二早上，爸爸媽媽帶我到會所看醒獅表演，萬分精彩，令我非常雀躍。

姨姨、表姊妹到我家團拜，渡過了開心、熱鬧的年初二。

本來媽媽替我準備了另一款的過年服式，可是天氣太熱，著唔到，只能於過年前拍照給大家看。

(125) 年三十行年宵

今年年三十, 我們帶女女行了兩個年宵市場, 第一個是APM的室內年宵, 另一個是旺角的花墟.
第一次行年宵的女女十分好奇, 不時常常四處張望, 還在旺角的花墟中自己揀了個吹氣波板糖添!

APM的豬仔

女女在旺角花墟揀的吹氣波板糖呀, 佢拿著唔肯放手!

萱萱見到咁多花, 好開心呀!

(124) 萱萱同大家拜個早年

2月14日(情人節), 萱萱參加了學校舉辦的農曆年聯歡會, 萱萱著上了粉紅色旗袍仔, 非常可愛. 萱萱在這裡向大家拜個早年, 祝大家心想事成, 身體健康, 豬事稱心!

Click來看看萱萱打鼓助慶的短片啦~~~ http://www.youtube.com/watch?v=am3PEAjqheE

著上旗袍的萱萱很可愛啊! 件旗袍仔好合身呀!
現場仲有舞獅, 萱萱看得很入神.

萱萱同媽媽一齊整桃花擺設, 萱萱幾投入...

又有其他遊戲添...萱萱打鼓呀...睇下佢的英姿! 媽媽舞獅呀...
2月14日是情人節, 晚上我們一起去食buffet慶祝...當日還見到媽媽由Singapore回來的好朋友翁氏伉儷, 好開心呀!

(123) 古靈精怪俏萱萱 (二)

打鼓報喜!
女女剛剛學識用飲管飲水了, 只係用左幾分鐘就學曉了! 好叻呀!
"S"型的甫士, 型唔型呀?
萱萱仲學識FLOWERS添, 真係人比花嬌!呵呵!
預告一下萱萱的新年LOOK! 比D Comment啦....

(122) 古靈精怪俏萱萱 (一)

萱萱真係長大了好多, 依家同佢影相就表情多多, 有好多大家未見過的表情, 一齊睇下啦!
我要做Model
女女最近學識左leaves, 所以一見到就走埋去指比我們看.
睇下佢幾招積!
女女玩水水啊!

(121) 美女廚房

萱萱最近除了閱讀之外, 對烹飪亦好感興, 所以爸爸就買左套Mickey廚房玩具俾女女. 佢玩得好開心, 仲餵爸爸媽媽飲湯湯添(當然係玩個種啦...)

(120) 開卷有益

以往我同爸爸晚上要由食完飯(加埋睇一陣DVD)約8:00pm開始一路同萱萱又唱又跳又跑又叫到晚上10:00pm,冇錯真係又唱又跳又跑又叫! (睇過我們短片或來過我們家玩的朋友們應該會清楚). 但自從近來萱萱喜歡了閱讀之後( 實際上係不停揭書),我同爸爸都鬆了口氣, 因為終於見到萱萱有番文靜的一面, 另外又可乘機偷懶抖抖. 為0左配合女女的新興趣, 我們買了一套DISNEY枱仔連櫈仔, 希望可以透過閱讀來培養女女D專注力同集中力.

女女個樣好鬼認真呀, 好老積呀!!!!!!!!
好專心睇書書呀! 完全冇被爸爸的相機影響到...

佢係我地Mickey家族的新成員(現時同女女最friend的新朋友仔)--Mickey Magican

(119) 萱萱第一次食雪條的怪樣

每當萱萱試食一種新食物, 第一次食時佢都會有個怪樣, 無論好味定唔好味...好搞笑...一定要POST比大家睇0下!
http://www.youtube.com/watch?v=h-Zsn7aDPpk

(118) 萱萱家居好幫手

萱萱最近好幫得手, 咪以為佢人仔細細唔夠力幫手做家務, 其實佢都幾大力0架! 唔信睇下以片段, 萱萱一個人搬起一張櫈---係大人坐的櫈喎! (仲要搬離地架!)

大力萱萱-2007.2.1
http://www.youtube.com/watch?v=FyEkwAqRSaA

(117) 2007大型舞台劇-Cinderella

2007大型舞台劇-Cinderella (仙度拉的舞會)
地點: 九龍理工大學賽馬會綜藝館
時間:2007年1月28日(星期日) 11:00~12:30

1月28日(星期日), 我們第一次帶萱萱去看舞台劇-Cinderella. 這個舞台劇係World family舉辦的, 劇中加插了很多女女耳熟能詳的Sing along歌曲, 又有台上與台下的互動遊戲(全場700多人, 所以好有氣氛), 當台上演藝人員發問Yes/No question, 女女會點頭或擰頭回應; 女女又會跟隨演藝人員的指示做動作及跳舞; 到搞笑的位, 女女又會拍手大笑, 玩得非常投入...依家女女都會與我玩當日劇中的互動遊戲架! (其中一個遊戲係講Cinderella's stepmother 好喜歡做有毒的pudding請人吃, 所以當她問你要否吃pudding嗎? 便要回答: "No, don't eat it"加交叉手勢)

萱萱拿著仙女姐姐的magic wand呀!

因為表演期間不准攝影, 我們只有與在場外的佈景拍照.

Cinderella 的馬車呀!

同場竟然見到mickey & minnie... 女女好開心呀~

完場後與演藝人員拍照留念.

(116) 婚宴 (14個月大的萱萱)

恭喜恭喜! 2007年1月26日係媽媽同事Jazzy同佢老公撻哥的結婚大喜日子, 我們一家三口一同出席. 當日新娘子當然明艷照人,非常靚靚, 新郎哥也很有型, 連姊姊團都打扮得很漂亮! 萱萱初時到場扭計得很, 又喊又唔肯落地地, 仲要媽媽拿著場內枱面上的汽球才肯靜靜影相, 真係經典.
幸好, 經過十五分鐘的warm up, 萱萱開始融入了, 仲表演將枱上我的糖果放上碟上, 仲check住同枱的賓客有否拍手(尤其是check住我公司的3個日本人) , 真你係好搞笑!
(特別要向Michelle說聲謝謝...唔該哂你幫手同萱萱換片呀!)

媽媽的靚女同事呀!

萱萱玩到唔肯放手的心形汽球...
嘩!新娘好靚呀!! 我們帶埋汽球同新娘一齊影相...係人都知我們坐9號枱喇!

萱萱同佢新相識的朋友仔恆恆恭喜Jazzy姐姐同撻哥哥百年好合, 永結同心!
萱媽, 萱萱,新娘Jazzy,新郎撻哥,朋友仔恆恆同佢媽媽的合照.
日立同事同一對新人的大合照.
萱萱&Michelle姐姐...唔該哂你呀!
Linda及其中一個姊妹團成員Alice, 姊妹團係咪好靚呢!