(53) 萱萱第一次BBQ呀！(一)

嘩！出發喇！
六叔公, 阿B舅父同阿細姨姨(少年版滔滔&肥版袁彩雲)為我們準備野食！

萱萱與桐桐玩得好開心呀！


我們又有新活動了！昨日(2006/8/20)我們前往六叔公的新居(錦繡花園)BBQ，見到公公、二叔公一家人、六叔公婆一家人、大姑婆、MayMay姨姨一家人同BB姨姨, 有些人打麻雀，有些人燒野食, 而萱萱與桐桐就玩玩具, 非常熱鬧, 真係玩得好開心！

(52) 萱萱病癒後的首度出擊(二)

萱萱扯住媽媽D頭髮呀！好痛呀！

到返屋企沖涼時，萱萱仲未開心完！

(51) 萱萱病癒後的首度出擊(一)

帶髮夾仔後, 係咪好靚靚呢？

第一次食日本料理(真係有份食0架！), 萱萱好開心呀! 仲同人Say Hello添!

小萱萱真的很心急，上星期才學曉企企(不用靠身旁的人或物件而自行企起來！)現在便想學行行及跳跳。這個百厭萱萱無時無刻都想向難度挑戰，真是小看一眼也不可！
自從萱萱在媽媽生日那天生病以後，今次才算是病癒後的首度正式復出, 我們當然要同萱萱慶祝一番！萱萱今日第一次食日本料理呀(地點係海港城的Miso, 萱萱仲四圍撩Waitress姊姊同隔離檯的姨姨玩添！)！(今次唔係齋睇0架, 真係有份食0架！) 雖然她只是吃了少少豆腐，但她巳經非常非常開心，興奮到手舞足蹈，差點兒連相片也影不到！
之後我們還在尖沙咀文化中心一帶影相相，D相影得好靚，好開心呀！

(50) 萱萱八個月了！

時間原來真的走得好快，不知不覺，我的心肝寶寶萱萱巳經八個月大了，由出世到現在總覺得她好可愛, 好好玩，雖然偶有扭計哭鬧，但仍帶給我與老公無限快樂，足不出戶也有精采節目。
你知道嗎？BB真的是每一天都在變，每一天都給予你新的驚喜。好像是今個晚上，女女在換片時左轉右轉，弄得工人束手無策，我張開女女的小手掌作狀要打她手板，豈料她發出細細長長而又可憐的嗚嗚聲，用她大大的水汪汪的眼晴望著我，好像是要求媽媽手下留情,令人不忍到打下去...
哼！她已經懂得撒嬌了！

(49) 萱萱游水啦！

萱萱的泳衣Look終於暴光啦！好似好大個女咁喎！
我地係剛剛過左的星期日約左表姊仔們游水水(QQ媽媽去唔得閑，所以冇出席今次的活動！)，正確應該係玩水就真。好開心呀！
不過我地冇帶相機去泳池，所以只有出發前的泳衣相。

(48) 十五十六，唔玩唔舒服！？

我地又出動啦！今次的目標係買泳衣，點知比我地食Lunch的時侯見到森美呀！十五十六，唔玩唔舒服的森美呀！地點係Ocean Terminal海旁的意大利餐廳Habitu。 森美個真人都幾型仔，黑黑實實，大大隻隻，仲同埋佢太太，仔仔同兩個朋友。森美讚萱萱得意，仲話萱萱隻眼仔好靚好大隻添！Yeh! 今日除了成功買到泳衣仔之外，因為大減價，仲買0左新衫仔同褲仔，最後仲同到森美影相，真係超額完成。十五十六, 唔玩唔舒服！可萱可點, 唔睇唔舒服！

(47) 開心滿屋 (三)

(46) 開心滿屋 (二)

(45) 開心滿屋 (一)

Oh!多兩只隻米奇老鼠呀！
嘩！今日好多姐姐來同萱萱玩呀！萱萱同媽媽今日仲博得好多掌聲添！媽媽今次親自下廚，由尋晚開始準備，整左最拿手的甜蜜蜜糖雞亦，新嘗試的愛心咖哩魚旦，阿婆(Linda)特別Order的老少咸宜芝士腸，仲有濃情密意意大利粉，玫瑰花紅腸，最後仲臨時追加天生一對雞軟骨(爸爸即刻跑落街買0架)。大家食得咁開心，仲讚媽媽犀利添！
萱萱仲叻，今日冇乜扭計，又肯跟姐姐玩，仲表演爬爬同企企，0係企起身環節仲得到全場掌聲，佢開心到飛起！總之今日就Super開心啦！
* 特別鳴謝撻嫂Jazzy的果撻, 同公主Thin的士多啤利!

(44) 萱萱識企了！

剛剛滿七個月，心急人萱巳經學識企企，好叻女呀！

(43) 七個月大的Lion萱

萱萱今日七個月大，因為媽媽同爸爸都病左(其實係媽媽食得太多太多熱氣0野,搞到病左仲傳染埋爸爸, Sorry!!), 仲分別被隔離！所以冇得帶萱萱去玩，好悶呀！你睇0下萱萱悶到呆哂呀！

P.S. 萱萱多0左個花名叫Lion萱(Lai Yi Huen黎懿萱)。點解？因為佢依家成日扮獅子吼，嚇到其他BB雞咁腳走。

(42) 遊戲室

萱萱第一次去遊戲室，玩得好開心，仲騎馬仔同坐車仔添！

(41) 父親節快樂

今日(2006年6月18日)係爸爸第一個父親節呀! 萱萱今日都好乖，冇扭計仔，中午媽媽仲成功餵萱萱食糊仔添，坐0係Highchair 上的萱萱喎，歎度高D0架! 食糊仔後，我地又出發去海運的玩具反斗城！其實今次番炒海運的玩具反斗城係有幾個原因：
1) 爸爸睇世界盃睇到冇乜精神去接受新的挑戰；
2) 媽媽諗唔到新的目標；
3) 昨日帶女女去0左會所個遊戲室，女女坐玩具車仔坐得好開心，所以諗住去玩具反斗城睇0下車仔!

不過，經過4個鐘的旅程，最終結果係爸爸媽媽食了個好正的Hightea, 影了幾張靚相，但係就買唔到禮物(車仔)比萱萱。真係末解決！末解決！末解決！唯有下一次再買吧！

P.S. 媽媽近來懶惰0左，有成二個多星期冇upload新相，真係唔好意思!