(204) 小紅帽

2008年5月2日, 媽媽往女女的幼兒園為K2A班的小朋友講故事---小紅帽, 得到同學仔們熱烈的掌聲和感謝卡, 媽媽好開心, 最令我感動的就是我離開課室時, 女女走到我面前對我說: "多謝媽媽", 然後kiss了我一下!
(當日剛好是香港傳遞聖火的大日子, 萱萱穿上紅色衫衫在學校裡傳"聖火"啊! 萱萱也貼上"中國加油"的貼子 )

(203) 親善探訪

好耐冇見的舊同事--剛剛在日本深造完的Cat cat 和嫁了去日本的Garbo帶埋女女Elly來到我們家聚舊, 雖然大家已很久沒見, 不過一見面又回到以往般有說不完的話題. Elly好可愛, 好乖, 雖然Elly比Hayley少兩個月, 但大女女成兩個碼, 好勁呀!

(202) 與荒木さん的聚會

荒木さん是媽媽的日本朋友, 大家因工作關係而認識(她也是個日立人, 精通普通話和英語, 非常友善). 同時也是媽媽第一個認識與自己同年同月同日生的人. 可能因為這個原因, 我們特別投緣.
荒木さん今天來香港工幹, 晚上我帶同女女與好同事與她聚舊, 真的真的很開心啊!

{同場花絮}
女女無啦啦話向媽媽同事Michelle姐姐發問, 但又係自問自答:
女女: Michelle姐姐, May I 去Michelle姐姐屋企 please (好古怪的句子 ), 得!
又0黎喇!
飲杯! 飲杯!

(201) 數碼港(一年後的Hayley)

今天我們去數碼港踏單車, 原來上年(2007年)的4月初, 我們又去了數碼港. 相隔一年, 萱萱大個女左,高左,仲吱吱喳喳左(真係冇停過, 就算我們唔彩佢, 佢都自己唱歌, 唱完Abc, 就唱Happy birthday, 之後又唱泥娃娃, 好搞笑!)

(200) 萱萱與媽媽的第一次

媽媽好犀利, 4月5日媽媽帶萱萱搭港鐵去迪士尼(因為爸爸要返工,所以我們兩個自己去,好勁呀), 媽媽冇搭錯車, 成功帶女女去到迪士尼, 仲比騎左十幾廿分鐘"膊馬"睇表演添!
我們的自拍照...好sweet呀!

媽媽一手抱著女女, 一手揸機影相, 都影得唔錯啦!

(199) 兒童節

4月4日兒童節, 我們由女主角萱萱話事決定去邊度慶祝, 點知萱萱的答案一如所料---"迪士尼"...講完之後,連佢自己都忍不住笑住再講:"又係迪士尼? 係! Hayley好鍾意迪士尼!哈哈哈哈..."
我們在迪士尼買左衫衫俾萱萱做兒童節, 萱萱即時換上新衫, 然後嘴角微微戚起笑說:"好靚"...
旁邊的姐姐聽到笑著問佢: 件衫衫邊個買架?
萱萱: Hayley! (好有自信好大聲咁答)
姐姐: 唔...咁邊個俾錢呀?
萱萱: 媽媽!
(吓! 女女...買咪即係俾錢囉!!! 笑到個姐姐碌地)

(198) Opposite與自問自答

萱萱自從開始講野之後,唔知點解好鍾意講opposite, 多左好多笑料之餘,有時又會比佢激親,好似今晚咁...

媽媽:Hayley,快d食飯啦!
萱萱:好慢...好慢...
媽媽:唔準含住食物係口,吞左佢啦.
萱萱:可以含住.
媽媽:拿...媽媽嬲喇!
萱萱:媽媽happy.
---跟住我就發嬲,唔彩佢---真係好激氣呀!
---萱萱見我真嬲,走過來我身邊講
萱萱:媽媽angry with Hayley, sorry 媽媽.
---我仲好嬲,繼續唔彩佢...
萱萱:Hayley錯左,Hayley錯左,對唔住,sorry 媽媽.
媽媽:好啦, 下次唔好喇, 快d過來攬攬媽媽.
萱萱:好慢...好慢...(好慢咁攬我..唉!)
---又0黎Opposite啦!

仲有,佢又好興自問自答:
萱萱:媽媽,May i have candy please?
媽媽:你問下爸爸得唔得先啦.
萱萱:得!
媽媽:都話問下爸爸得唔得先囉.
萱萱:得!
媽媽:哎呀!叫你問爸爸呀!(笑死我)
萱萱:爸爸,May i have candy please? 得!
---我唯有就範,比糖佢食.(成個過程,女女完全冇望過爸爸,哈哈!)

(197) 萱萱跳勁舞

萱萱近日來鍾意左Eason哥哥, 特別鍾意"馬利奧派對"這首歌,因為可以一邊睇,一邊跳勁舞...真係好勁架,因為FILE的容量太大, 只可Upload其中一部份同大家分享!

(196) Hot Fox

萱萱好鍾意睇一本"Hot fox"的英文書, 不知不覺佢連"Hot fox"的內容都識得背, 令我們都好出奇,好開心. 大家一齊睇下...
可能大家聽唔明女女講甚麼,以下係翻譯內容:

{Hot Fox}
Fox went box, box, box.
He went hop, hop, hop.
Fox went jog, jog, jog, up to the top.
Are you too hot, Fox? nod nod nod!
Yes, I'll have some pop! bob bob bob!

(195) 復活節

一連四日的復活節假期, 我們四處出動, 又去花展, 又去BBQ, 又去Disney, 好開心好充實呀!
本來打算去維園花展, 但為免太擠迫, 改了去大埔海濱公園賞花, 大埔海濱公園的花展都很美啊! 還有, 適逢8號幹線首日通車, 我們當然試行, 果然好快好快好快!
P.S. 復活節假期, 梗係唔少去女女致愛的Disneyland啦! 今次睇parade, 女女一見到白雪公主和Cinderella就好興奮, 不過佢猛咁問我:"媽媽, 王子呢?王子呢?", 這就是童真了!

(194) 桐桐表姐三歲的生日會

桐桐表姐三歲了, 我們今日下午參加左桐桐表姐的生日會, 晚上還與各表姐妹一起去Disney食Buffet,好開心呀! 連萱萱都話"so funny....so happy..."

(193) 奧比斯步行籌款

2008年3月1日, 我們參加了奧比斯步行籌款活動, 地點是大埔海濱公園, 萱萱自己行畢全程, 行了個多小時, 完成唔駛爸爸媽媽抱, 連老師都讚萱萱叻叻, 好有腳骨力! 大家一齊睇下萱萱落力表演!!

(192) 恭"鼠"發財

今個鼠年, 萱萱同我們祝大家身體健康, 心想事成! 萱萱由新年期間病左, 肚瀉了一個星期, 後來又再患上感冒,足足病左十多天! 所以我們都冇時間update, 真係唔好意思呀!

(191) 一齊唱歌仔

萱萱近來成日唱歌仔, 其中一首飲歌係"大拇指". 不如一齊唱啦!

可能大家聽唔明萱萱唱甚麼, 以下是歌詞:

大拇指, 大拇指, 你在那兒? 我在這兒, 我在這兒, 哈哈笑!

(190) 遊農場

2008年1月19(星期六), 我們去了參觀萱萱幼稚園的農場, 面對比自己大幾倍的牛媽媽和小牛女(農場裡的新成員), 萱萱不但沒半點驚慌, 還不停餵她們食菜菜, 臨走前仲想kiss & hug牛媽媽添! 當日還有"冰鎮龍鬚糖"的表演和擇士多啤喱的活動, 萱萱玩得非常非常開心!

(189) 公公六十大壽之喜

2008年1月17日是公公的六十大壽, 媽媽各姨姨們為公公籌備了一個好溫馨的壽宴, 請大家看看以下當晚的點滴.

(188) 萱萱升班了

萱萱今個星期開始正式升上二歲班了! 老師讚萱萱好乖巧,好聽話,仲話佢幾mature添! 哈哈,估唔到扭計萱萱返學咁乖! 今日學校開始同女女做separation, 成功分離30mins! 女女超級鍾意返學,我同爸爸都好開心呀!
這是萱萱著住校服的學生照.

(188) 好同事的婚宴

上星期四, 參加了好同事的婚宴, 看見好同事找到好歸宿, 真替她高興. 當晚也重遇一些舊同事,場面非常熱鬧,真的好開心!

還有, 女女還結識了新朋友仔-Brian哥哥, 看他們玩得多開心!