(82) 大尾篤之旅

今日我地出動去大尾篤，仲去了水霸影相相，不過就好熱，你睇我個萱萱熱到塊面珠仔紅BokBok!


好熱呀！萱萱塊面珠仔紅BokBok, 好得意呀!
萱萱一對上門牙同一對下門牙巳清楚見到！

(81) 爸爸媽媽結婚5週年喇

今日係爸爸媽媽慶祝結婚5週年紀念(10月21日), 萱萱第一次同埋我地一齊慶祝，好開心呀！ 另外萱萱今日仲識得自己放麵包仔入口食喇！你睇下佢同爸爸媽媽一齊慶祝食飯時的相片啦！

嘩！大閘蟹呀！
點樣食好呢？
等媽媽教你啦!
萱萱自己餵自己食呀！好好味呀！(D麵包)一家三口大合照

(80) My Hayley 2007 年曆卡印好啦！

期待已久、精心製作的My Hayley 2007 年曆卡巳經印好啦！ 係咪好靚呀？係咪好想擁有一張甚至於更多呢？ 快D打電話比萱萱媽媽或者0係度留言啦！
My Hayley 2007 年曆卡, 一卡旁身，世界通行！

(79) 大埔小白鷺之旅

今日(2006.10.15) 我地去0左大埔嘉里白鷺湖互動中心, 唔係參加活動，只不過是到那裡的小白鷺餐廳食飯同影相！雖然我地見不到小白鷺，但卻見到黑色的羊咩咩，羊咩咩仲走近女女身這身邊，然後擺動羊頭，嚇得女女差點兒哭起來！ 我同爸爸今次好犀利呀！我地第一次唔帶奶餵芝士三文治同麵包比女女食, Yeh.. 以後出街又方便0左啦！

好0野！開餐啦！

正呀！大家睇0下佢見到D0野食幾開心！
萱萱Kiss 媽媽呀！(其實佢成日都係咁錫我架啦！哈哈！)
黑色的羊咩咩呀!今日仲有兩Pair人結婚添!

(78) 騎馬仔的萱萱，好英呀！

萱萱真係一個大膽妹妹，騎上馬仔不但只唔驚, 仲學爸爸咁搖起來，正一百厭妹妹! 一齊睇片啦！(其實佢個7月大的時候巳經騎過馬仔，亦都係一D唔驚, 全程都笑騎騎!)

http://www.youtube.com/watch?v=1yrTcj_LCto

(77) 萱萱小巫師?

萱萱變身為小巫師呀！好搞笑! 都幾有台型喎！
P.S. 其實0的相係上星期日(2005.10.8)影，不過媽媽漏0左Post 上網!)

(76) 出牙仔啦！

好開心呀！我個萱萱真係出牙喇! 我頭先幫佢檢查, 上排有一隻牙仔，下排又有一隻牙仔呀！全部都剛剛出0左牙肉喇! 襯佢睡覺我偷愉拍了相呀!

上排

下排

(75) 萱萱講電話?

平時媽媽一講手提電話, 萱萱就眼定定好留心聽媽媽講什麼, 見佢好似對手提電話有興趣, 媽媽就買了一個叮噹手提電話比佢(當然係玩具0個D啦！)
萱萱一見到個電話就好開心，佢仲即刻扮聽電話，笑死我們! 估唔到佢竟然不知不覺學識了這個動作，一齊睇0下D相啦！(攝於2006/10/7)

(74) 爸爸，生日快樂！

今日(2006.10.7)係萱萱爸爸的生日, 我地下午同萱萱去左Club House的遊戲室玩玩, 萱萱自己行行左成個鐘頭, 仲帶領其他哥哥姊姊玩, 場面勁搞笑! 晚上我地同爸爸食飯慶祝，萱萱仲Kiss 左爸爸一啖添，爸爸甜到入心呀！

(73) 中秋節快樂! (萱萱首個中秋節)

今個中秋節特別開心, 因為係我同爸爸第一次同萱萱渡過的中秋節。食完中秋節的團圓飯之後，我地一家三口在屋企樓下的公園玩燈籠仔, 萱萱一見到個亮了燈的Mickey燈籠仔就好開心，簡直係愛不釋手, 仲EERR講0野添！

(72) Hayley Lai 寫真集第二輯(二)

Hayley Lai 寫真集第二輯攝於2006年9月26日(十個月生日), 地點又係尖沙咀Baby House。

(71) Hayley Lai 寫真集第二輯(一)

嘩嘩嘩嘩! 由於上輯寫真集得到各方好友的大力支持，好評如潮，我同爸爸決定再接再厲同萱萱再影第二輯。好開心今次萱萱又影得好好, 真係好可愛。

(70) 國慶假期去邊？

今個國慶假期忙住做節，所以只係同左萱萱去Club House的遊戲室玩，不過正好給予女女大顯身手的好機會！點解？因為可以讓她四處"走" 動！真架！唔信的話，睇片啦！根據爸爸，萱萱可以自己行到大約3~4米遠！

「萱萱識行啦」Video全港首播 : http://www.youtube.com/watch?v=HCbnZOvGldU